今個星期最熱賣當然係PS2遊戲，闊別多年嘅射擊名作續集《GRADIUSV》啦，雖然市價成$450，特點重要另外加錢買，但都成為今個星期熱賣，所以話有質素嘅Game始終會有捧場客。至於同日推出嘅《天誅紅》就因為8月有中文版推出關係，日本版反應認真麻麻，街價$330左右。音樂遊戲《太鼓之達人4》就賣$280左右，而萬眾期待嘅《WINNINGELEVEN8》正式發售日係8月5號，不過坊間傳聞會有早貨返，希望到時唔會太貴喇。
《WINNINGELEVEN8》（8月5日推出）
GC暑假主打《紙板Mario》失驚無神到港，早日本正式發售日成個星期之餘，到貨同日重只係賣$320左右，不過到咗今日已經升上$370至$390，由於日本反應都唔錯，相信重有升價嘅可能，有興趣好快手喇。
唔少機迷期待緊9月推出嘅《BIOHAZARDOutbreak：File2》，第一集推出時，上網合作加上章節形式嘅故事，引嚟唔少話題，續集更加送年尾推出嘅《DevilMayCry3》體驗版，香港CAPCOM行貨亦已確定跟足日本一樣會附送，不過同樣係預訂先有，有興趣不妨訂定先。順帶一提，《GAMEWATCH》出版嘅官方中文版攻略亦會同日發售。