音樂可以陶冶性情，但係喺香港呢個文化沙漠，一直都好少出產到一個國際知名嘅音樂家及演奏家。香港賽馬會音樂及舞蹈信託基金正係為培訓本港音樂及舞蹈才華年輕人而設，每年都會頒發獎學金畀一啲有天份嘅年輕人，負笈海外進修、接受音樂及舞蹈教育。
信託基金今年就頒發獎學金畀六名年輕人，其中一名得獎者簡可怡噚日同八方講，為咗實踐對音樂學術研究嘅理想，過去三年一直喺公餘修讀中大嘅音樂學士課程，今次攞到二十幾萬獎學金去倫敦大學修讀音樂碩士課程，佢早前直情辭埋保安局行政主任份工。話晒打政府工薪高糧準，佢九七年時入職重有長俸，放棄咁多追求理想，八方都真係好佩服簡小姐份毅力。
（圖）其中四位獎學金得主：（左起）甘穎昶、簡可怡、陸小欣同蔣頌恩。
傳真︰2623-9278
電郵︰