梁洛施（Isabella）、陳柏霖和Boy'Z等，前晚在維園拍攝新片《蟲不知》，Isabella表示拍完該片後便會跟陳柏霖一起到泰國拍另一套新片《見鬼十》。
年僅十六歲的Isabella，正值發育期，雖然她已很大食，可是身形仍十分纖瘦，她說：「我𠵱家得一百零六磅，公司裏面得我一個可以任食增肥，我食好多嘢，食極都唔肥，試過一日食五、六餐，一餐食三個飯盒。公司以為我生蟲，驗過都冇事。」
而Kenny就自爆早前拍攝一場玩滑板的戲份時，不慎撞傷「何B仔」，他說：「我當時痛到標眼水，工作人員講笑叫我飲坑渠水，我梗係冇飲，我𠵱家嗰度都冇事，好健壯，都去到廁所，冇影響能力。」
此外，陳柏霖表示留港拍戲，令其廣東話進步了不少，他說：「房祖名教我好多廣東話，亦有人教我講粗口，我覺得講粗口都好好玩，好爽。」
採訪、攝影：魯萍