男子組合Shine、官恩娜、戴夢夢、戴辛尉、林子瑄及Sky等，昨日於奧海城出席「哈林世界巡迴籃球隊」記者會。哈林籃球隊下月來港表演當日，Shine將會被安排與他們同隊，天佑說：「好正呀！嗰日我哋會同哈林一隊，如果唔係同佢哋一隊嘅話會俾佢哋玩。」兩人自言讀書時為籃球校隊，天佑說：「我中學係校隊隊長，之後因為整親手唔可以再打，通常最勁嗰個都唔係隊長，因為隊長最重要係做指揮。」
問及Shine對於吳浩康涉藏毒正式被起訴一事，又南說：「希望佢冇事，可以開開心心。」官恩娜則否認前日舉行簽名會只得七名fans撐場，她說：「根本唔止七個fans，不過即使得一個fans我都會好開心，因為始終都有人支持你，總之我知有幾多fans支持我就夠。」問她再舉辦簽名會會否擔心，她說：「都唔會擔心嘅！我會全力以赴做到最好，我唔會因為呢啲嘢而唔開心。」
