中大新校長劉遵義上台冇幾耐，日日忙於見人，噚晚佢同部份傳媒校友晚宴嘅時候，講笑咁話自己最近只做三件事，就係不停同人食飯、開會同埋簽名。
校長係一位謙謙學者，其實佢乜都瞭如指掌，而且滿肚子大計。問佢點睇母語教學？佢話暫時冇計，學生學到嘢最緊要，將來梗係要用國際語言英文教最好。校長又好鍾意講古仔，話喺瑞士，講德文嘅地區以法文教學，講法文嘅地區就相反以德文教，等啲學生多學一種語文喎。佢當然好重視啲中大同學要學好兩文三語，而盡快將大學改成四年制最好，等啲學生可以多啲時間學好中英文。
校長又話，佢最大嘅心願，係加強同大陸及海外嘅交換生計劃，令每個中大學生，都可以喺外面讀番一年半載，見識見識，真係值得支持。
傳真︰2623-9278
電郵︰