香港近期就政改問題拗到面紅面綠，美國政府就批評中央政府成日壓制香港，例如否決○七、○八年普選，但原來唔係個個國家都咁關心香港嘅政治問題。
香港駐東京經濟貿易首席代表方志偉同八方講，日本嘅商界只着重喺香港搵唔搵到錢，對於有冇政改就好少理；至於日本嘅政府官員，則認為香港政制發展屬起步階段，多爭拗係必然。
兩年前接替前廣播處處長張敏儀出任駐東京代表嘅方志偉又話，為咗宣傳香港，喺日本成日要同日本官員飲茶食飯，搞到要成日游水keepfit，先可以保住條腰冇「豬腩肉」喎。
傳真︰2623-9278
電郵︰