無綫劇集《妙手仁心Ⅲ》一眾演員昨日齊齊開鏡拜神，吳啟華表示自己在劇中會患抑鬱症及自殺，對於早前被報道往內地尋歡，他強調雖不高興，但仍能自我釋懷，又自爆有新的戀愛目標。
無綫劇集《妙手仁心Ⅲ》昨日在將軍澳電視廣播城開鏡拜神，一眾演員包括吳啟華、黎姿、陳豪、林保怡及廖碧兒等都有出席。
由吳啟華飾演的醫生程至美要再次面對愛侶離去的痛苦，終於患上抑鬱症，更一度企圖自殺，吳啟華說：「因為蒙嘉慧染咗沙士病死咗。咁我咪內疚，後來脾氣變得暴躁，情緒失控重同人打架，後來搞到自殺，好彩黎姿勸我、救番我。」
娛圈中，有不少藝人受壓患上抑鬱症，早前有報道指吳啟華內地尋歡，他說：「我係唔開心，但係我自己可以醫，兩、三日就冇事，我會睇好多心理學書，真係可以幫到EQ。」
吳啟華未有新戀情，但直認已經鎖定目標，他說：「其實有好多憂慮，見到有好女仔想發展，又驚未必可以成日見到面，我又冇諗過重會唔會搵圈中人，我見到嘅女仔十個有九個都係呢個圈，我自己又鍾意靚女，呢個圈有好多靚女。」
開拍《妙手仁心Ⅲ》以來，黎姿日日夜夜都提心吊膽，她說：「我最初同監製傾，佢話我做個法醫，話要另類啲，所以鍾意養蛇、非洲蜘蛛、老鼠，重要當佢哋係仔女，呢個劇要我面對『人生三大驚』，咁要自殺跳樓都算頂得住，點知又話要入殮房，入殮房我好驚，又要同班蛇蟲鼠蟻為伴，我細個都試過入殯儀館嚇到要睇心理醫生催眠我，幫我洗腦，今次我諗都要去叫醫生催眠我等我唔好驚。」
採訪：楊潔雯 攝影：陳烱威
