為配合同志電影《17歲的天空》，組合Sky在該片主題曲《情投意合》MV內，成員Yani和Bonald飾演男同志，但兩人在親熱時要用咕𠱸遮着重要部位，表現尷尬，而他們均有被男同志勾搭的經歷，印象深刻。
組合Sky日前拍攝新歌《情投意合》的MV，該歌曲是電影《17歲的天空》的主題曲，所以MV內容亦以配合電影的同性戀作為題材，日前他們在太古城一個單位內拍攝，Yani和Bonald飾演男同志，其後另一成員阿Bon介入，Bonald慘被拋棄。
Yani和Bonald在MV內一齊煮食和玩電腦，更有床上戲，Bonald表示和隊友拍親熱戲感到尷尬，其中一場戲他瞓在Yani大髀上，他便拿着咕𠱸遮住對方的重要部位，Bonald說：「我重要扮陶醉，真係諗起都毛管戙。」
接近深夜時分，眾人更移師到地鐵站，偷雞拍攝邂逅場面，被問到若要拍咀戲能否接受，Yani說：「如果係劇情需要，都唔介意嘅。」而Bonald則說：「如果一定要拍，就一定要好投入，因為唔想拍第二次。」
Yani和Bonald表示曾試過被男同性戀者昅中，Yani透露一次做完健身後去沖涼，被一名男子揭開浴簾睇全相，但當時冇着衫，不能衝出去和對方理論，而Bonald則試過在巴士站被一名鬼佬昅實及尾隨，幸好當日他約了媽咪，Bonald說：「不過我都覺得畀佢用眼神強姦咗。」
此外，《17歲的天空》將於下月五日上映，在片中楊祐寧更穿着私人珍藏的T-back上陣，該條T-back原來是多年前友人整蠱他所送的生日禮物。