古巨基日前拍攝新歌《傷追人》MV，邀請了一名衣着性感的模特兒擔任女主角，女模不但爬到基仔身上做出各種挑逗性動作，還主動親吻及撫摸基仔的胸部。基仔指當日全程不敢正視她，基仔說：「佢只係着住一件小背心同短裙，拍拍吓佢重除埋件衫得番件tubetop，我唔敢望呀，費事惹人誤會啦。我喺個MV入面係一個被動角色，所以就算佢爬喺我身上搞咁多嘢，我都只可以做一個抗拒表情。」問到基仔被性感女模爬在身上有何反應時，佢即時笑言：「我咪硬晒囉，不過係條腰硬晒，因為之前一日我扭親條腰，加上嗰日長時間瞓喺床上面拍攝，所以成條腰硬晒。」
此外，基仔於MV中亦要被女主角連環掌摑，他說：「我喺拍之前已經教佢應該點摑，同埋用乜嘢方法打先至冇咁痛，結果未正式拍之前我已經俾佢打咗幾十巴。」
