陳淑蘭前晚為關心妍主持的節目擔任嘉賓，憑一招性感跌膊搶盡主人家和另一嘉賓傅珮嘉的風頭。三十五歲的蘭子更自爆日前走光被洋漢輕薄，但她不怒反而覺得應該開心。
關心妍前晚為《RoadShow紅人館》擔任主持，請了陳淑蘭和傅珮嘉擔任嘉賓，雖然關心妍和傅珮嘉均是青春派歌手，但風頭卻被性感打扮的蘭子搶盡。
現年三十五歲的蘭子前晚穿上藍色低胸背心上陣，露出小蠻腰之餘更頻頻不經意地跌膊，露出香肩，體態撩人；未知蘭子是否有心跟黎明《一比一》MV中的日版蘭子鬥性感比拼一番？
不過，蘭子卻否認自己有心搶鏡，她說：「其實前日我生日，覺得自己年紀大，如果冇人睇就好大鑊，所以打算行性感路線。好似早排我着條超短裙同朋友飲嘢，自己飲大兩杯唔覺意走光兩次，有個外國人見到，走埋嚟搣咗我patpat兩吓，原先我好嬲，但諗諗吓重有人抽我水應該開心至係。」
蘭子又表示生日其前度男友讓她到中環任意選購禮物，其中祁文傑送她C字頭名牌耳環和手袋，而連續一星期她亦會跟朋友食飯慶祝，忙得不亦樂乎。至於生日願望，蘭子表示早前發夢夢見一隻龜，由於龜有發達寓意，所以她生日願望就是希望嫁個有錢人。
對於被蘭子搶了風頭，關心妍無奈說：「輸晒都冇計，人哋港姐出身，又靚又正，我輸得心甘命抵，唔知蘭子係咪知我出寫真，所以特登着性感啲。」
採訪、攝影：楊潔雯
