為紀念一代武打巨星李小龍逝世三十一周年，時代廣場前晚舉行了一項名為《龍言自道》的紀念活動，邀請了李小龍世姪、許冠傑兒子許懷恩及李小龍忠實fans李燦森等出席，現場除播出李小龍紀錄片段外，更展出李小龍生前戲服及親筆信件等珍貴物件。
懷恩前晚在台上接受訪問時說：「我冇機會見到李小龍，不過同李國豪（李小龍已故長子）就由細玩到大，而李小龍過身時我媽咪陪咗Linda（李小龍太太）一段時間。」
懷恩又說：「爹哋話李小龍為人好勤力，做事好有信心，佢好想帶畀人開心，亦都好想做嘅嘢會受人欣賞，所以佢做事時好認真，但係玩嘅時候又好投入。」
採訪：魯萍 攝影：何國豪