硬碟型MP3機近排新款出不停，成為呢期AV場內討論焦點，不過大大嚿攞出街極之麻煩，仍然係佢嘅致命傷！所以細細部嘅記憶體式MP3機，仍是現在人氣所在！
日本嚟緊8月上旬，會有一部勁Cutie嘅DCubecollo（NMP-40E）落場；蛋形設計賣相已經非常破格，但最鬼馬係機面加入了一個1.1吋4,096色顯示屏，只要使用USB作電腦連線，就可以將心愛嘅數碼相片，儲存於機內作Wallpaper用途；由於機身僅重25克，用家可以將DCubecollo輕易掛在頸上作頸鏈吊飾，加埋個全金屬機身，設計美觀度簡直可以直逼珠寶首飾！
至於機身規格方面，體積為45×17×53mm，但已內置256MB記憶體同電池，每次經USB接線傳歌時，佢都會順手叉埋電；連續使用時間最高可達16小時，機價則為$16,800日圓（約港幣$1,192）。
記者：朱崇德