何志平局長嘅靚老婆胡慧中噚日下晝戴住黑超喺中環置地行街，行到咁上下，佢想叫工人走先，但又唔知坐幾多號巴士，就喺街度搵個交通警問路，對方好熱心咁幫佢call上台問清問楚，點知原來警察叔叔唔認得局長夫人，事後重勁問八方佢係邊位，真係有眼不識泰山！
送咗工人走，八方同胡慧中傾咗兩句閒偈，佢話囡囡𠵱家三歲，九月就返幼稚園，呢排暑假都會陪佢去游水，星期日爹哋何局長重會一齊親子樂㖭。八方問局長泳術如何，胡慧中好幽默咁話：「識唔識游都唔緊要啦，佢實浮得起㗎！」
至於盛傳何局長會頂替楊永強個位，胡慧中斬釘截鐵咁話：「梗係唔會啦！」真權威。
（圖）胡慧中向交警問路，但對方竟然唔認得呢位息影女星兼局長夫人。 顏英儀攝
傳真︰2623-9278
電郵︰