西安市噚日喺香港舉行招商活動，八方竟然發現娛樂界嘅曾志偉影蹤。原來佢去出席西安市一項投資合同簽約儀式，曾志偉話呢個係佢第一個喺國內投資嘅大型項目，佢計劃喺當地投資一個集娛樂、餐飲同戲院功能於一身嘅拉斯維加斯歌舞大劇院。
個項目總投資額逾六千萬元（人民幣，下同），佢同香港嘅合作夥伴佔四成權益，相當於要出資三千萬元，至於佢個人要攤佔幾多，志偉就唔肯透露。
咁點解要投資喺偏遠嘅西安呢？曾志偉解釋話曾經實地考察，發覺當地消費能力都好強，因為周邊城市嘅人都會去西安消費娛樂，熱鬧情況不遜於沿海城市。佢好樂觀估計，呢個項目明年底投入服務後，每個月收入可達一千萬元，重話可以喺一年內回本。
（圖）曾志偉話會喺西安市搞拉斯維加斯歌舞大劇院，重睇好一年內會回本。
傳真︰2623-9278
電郵︰