練馬師簡炳墀個叻女簡詠茵，早排喺特許公認會計師公會嘅「商業資訊管理」科考試，考到全世界最高分，鄉議局主席劉皇發噚日就頒咗個「新界之光」金牌畀詠茵。
發叔大擦食力簡，話佢係「人中之傑」，當然虎父無犬女，詠茵係新界鄉民嘅驕傲，新界人應該以詠茵做模範，齊齊為新界人爭光！
識英雄重英雄，聽到發叔咁畀面，食力簡都暫時放低雙村長制嘅嫌隙，主動走上台同各位鄉親講，唔好以為佢同發叔「勢成水火」，其實佢同發叔重有一齊打golf，所有鄉親一定要支持發叔，千祈唔好各懷鬼胎、講一套做一套，走去搞分裂喎。
不過啱啱講話唔搞分裂，食力簡又心郁郁想參選立法會，甚至想同鄉議局嘅張學明喺新界西砌過。
（圖）簡炳墀（左二）愛女簡詠茵獲發叔（右二）頒贈「新界之光」金牌，表揚佢會計考試全球第一嘅成就。
傳真︰2623-9278
電郵︰