章小蕙前晚到灣仔為時裝比賽擔任評判，她透露早前英國行曾到訪萬朵玫瑰園，令她驚豔不已，此生難再受感動，男士毋須再送玫瑰𠱁她，她亦安守本份，施展妙法拒絕狂蜂浪蝶埋身。
章小蕙、時裝設計師鄧達智和馬偉明等，前晚任評判，從二百多件大一設計學院時裝畢業生作品中，選出多個得獎作品。
名模Rosemary、李嘉慧等穿上設計天馬行空、新奇破格的畢業生作品行騷，當中JessieLeong示範一套恍如蝙蝠俠斗篷的作品，打開後變成性感corset，令人大開眼界。
章小蕙稱剛從英國、巴黎返港，她表示此行為購物台到英國鄉郊取景，她說：「去到一個有成一萬朵玫瑰嘅花園拍攝，真係好靚，以後啲異性都唔使再送玫瑰花（畀我），因為無法比呢個萬朵玫瑰園更感動我。」問她男友Mark豈非不需送花，省回不少錢？她說：「佢一向送百合花畀我。」
問章小蕙此行可有豔遇？她說：「我安守本份，點到即止，無意增添新成員喇。」章小蕙更提供如何拒絕狂蜂浪蝶的方法，她說：「我見慣大場面，睇情況做人啦，通常對方都會問吓你嘅職業，咁想甩身時，就自爆係Mrs.（即太太）囉！」
提到前夫鍾鎮濤的女友范姜即將臨盆，問章小蕙可會送花籃慰問？她即說：「呢啲嘢好多人做㗎喇，總之一切有關仔女身邊人嘅嘢，我都唔答。」她又表示身體無恙。
採訪：RitaLeung
攝影：HoKwokHo
