喺教育界幾乎無人不識嘅香港教育學院前校長許美德（RuthHayhoe）教授，近日傳嚟好消息，佢獲教育界權威學術期刊《比較教育檢討》選為全球「比較教育」領域中，十大最有影響力嘅學者之一。佢幾年前離開香港後，𠵱家喺加拿大安大略省教育學院教授「理論與政策研究」。
許教授九七年嚟香港教育學院做校長之前，曾經喺上海復旦大學任教，加埋喺加拿大嘅教學經驗，所以佢對各地嘅教育有好透徹嘅了解。
作為比較教育領域嘅權威，佢話中、港兩地嘅教育為學生奠定穩固基礎，但就欠缺啟發性同培養學生創意；加拿大嘅教育方法令學生識得思考同有創意，所以學生入咗大學同研究所後表現一般會較好，但加國嘅基礎教育則過份寬鬆，令學生無所事事。
傳真︰2623-9278
電郵︰