劉德華前晚亦有出席汪明荃的受勳晚宴，更與李克勤和譚詠麟夾份買了一個水晶擺設送給阿姐。其實華仔亦有份受勳，但他表示因近日忙於準備演唱會，未有考慮舉行慶祝活動。
問到他與阿姐的交情如何時，華仔說：「同阿姐識咗二十年，最記得自己第一次做新秀司儀好緊張，第一句台詞已經唔記得，當時阿姐係其中一個評判，佢叫我乖啲、畀心機做，對我嚟講真係好大鼓勵。跟住我哋合作拍《楊門女將》，我見阿姐練纓槍時好努力認真，努力係成功不可缺少嘅，所以自己亦受到感染，好努力做嘢。」
華仔表示當年自己在《楊》劇中只得一場戲一個鏡頭，跟阿姐其實未正式合作過，故希望將來能有機會跟阿姐合作拍劇。