【本報訊】已宣布不再參選立法會的民主黨黨鞭司徒華，昨日批評行政長官董建華政治能力不高、甚麼都要管、偏聽偏信及過於自信，令市民對政府有負面的印象，預期董種下的禍根會為下任特首增添困難，他寄語新特首須兼聽民意及要有民主精神。
司徒華昨在香港電台節目《千禧年代》表示，目前正籌備親手撰寫回憶錄，被問及對董建華的評價時，他說：「政治能力唔高、冇政治能力；佢好似乜嘢都管……佢偏聽偏信，某啲人所講嘅嘢佢就點都信，但有啲人未講佢已經唔信；佢係一個老實人，唔係壞心腸，但佢太過自信，連做咗唔好嘅嘢都問心無愧。」
相反，他讚揚末代港督彭定康是傑出政治家，又形容當年病逝於北京的港督尤德為人「唔錯」。他又讚揚前任政務司司長陳方安生，指她由郭亞女事件至被彭定康重用期間，進步非常快；至於現任司長曾蔭權，「佢好似冇乜嘢做，所做嘅唔係政務司司長應做……掃垃圾吖？」
對於民建聯前主席曾鈺成，司徒華十分關心他的健康，「我覺得佢係幾痛苦，我相信佢有時講嘅嘢，佢自己都唔係好信。佢愈來愈瘦，人要健康，心境都好重要，做人坦蕩蕩，心理就自然會好。」