全世界都唱淡晶片股及相關股份，連香港都唔例外，近期中芯國際（981）、ASM太平洋（522）甚至建滔化工（148）的股價一直偏軟。
不過，即將在下周二公布中期業績的ASM太平洋，股價終於見到支持，噚日回升3.74%，收27.75元，成交股數有117萬股，金額3221萬元。
自從好幾間外資大行都發表報告，指出晶片需求有下降現象後，ASM股價跟隨其他同類股下跌，股價跌穿30元後一直尋底，最低見過26.25元，好彩叫做守得住。查實ASM老闆一直都信心十足，之前已多次暗示業績靚爆鏡，唔排除有人趁今次公布業績，來一招大反擊。
另外，經紀黃近期嘅愛股利福國際（1212），股價早前跌穿10元關，但噚日終見反彈，升5%，收10.45元，重返10元樓上。但正如佢所講，呢隻股走勢異常飄忽，相當唔易玩，就算膽生毛如小初之流，亦曾經被佢震走，但以目前隻股走勢，似係反覆向上。
慕容小初