早兩年細機DC絕少配備光學變焦鏡，皆因機薄關係，難以做到傳統伸縮鏡嘅光學變焦系統。不過當年MINOLTA好聰明咁利用潛望鏡原理，將伸縮鏡打直內置喺機身入面，令到薄機都玩到光學變焦。新公司KONICAMINOLTA再進一步，新機DiMAGEX50將潛望鏡玩多次，不過就由打直式改為打橫式，較諸其他伸出機外嘅光學變焦DC，起動時間短得多，只需0.5秒開機時間，比其他賣1秒開機嘅DC快一倍。
DiMAGEX50配備500萬像素CCD，具有2.8×光學變焦功能，配埋數碼最高可達12×變焦效果。屏幕跟隨細機配大芒潮流，加入2"TFTLCD。同期推出銀、紅同黑三色機殼顏色及40米有效水深防水殼。
記者：徐影龍
官方網址：