立法會主席范徐麗泰前日宣布喺港島區直選，佢發表嘅政綱講到政改方案，建議最終立法會即使全面普選，都要有一半議席係由現時嘅功能組別選民做提名人，過濾一吓候選人先有得選。有政界知情人士一睇，嘩咗一聲，因為佢最近聽聞中聯辦內部都傾向呢個講法。
不過，要爭取香港選民支持就一啲都唔易，范太嘅競選經理、前高官周德熙（圖）擺明車馬想為范太爭公務員票，噚日下午放工時間，就帶埋范太走去中環政府總部派傳單，點知嗰度人流唔係太旺，周德熙話上咗寶貴一課，知道派傳單好辛苦，日後街上有人向佢派傳單，一定接。
佢話如果只係笑住派，對方望都唔望你；加句「您好」，佢就望吓你；要講「請你攞張睇吓」，對方先至會伸手接；最後講多句「唔該晒」，大小通殺，咩人都冧得掂。
傳真︰2623-9278
電郵︰