日本女星通常都會以清純高貴嘅形象示人，但最近唔少出名女星都自爆有奇怪癖好，好似MEGUMI、上戶彩同小倉優子等，原來都鍾意聞唔同嘅臭味，認真騎呢。
日本性感女星MEGUMI最近就自爆自己有特殊癖好，佢話：「我喜歡啲中坑阿伯油淋淋嘅頭油谷出嚟嘅臭味！」相信好多麻甩fans聽到MEGUMI咁講一定會好開心。唔止咁，MEGUMI重話好鍾意聞自己啲腳甲味，問你驚唔驚！
而美少女偶像上戶彩雖然外表清純可愛，但原來佢都有怪誕嘅一面。聽聞佢喺日本啲電台節目同雜誌入面，曾經講過好鍾意聞啲臭襪味，佢話：「我最鍾意聞嗰啲着咗好耐嘅襪，因為散發出嚟嘅氣味最濃！」
另外，小倉優子就話自己好鍾意聞男人嘅臭汗味同臭鞋味。佢重自爆話想加入Minimoni，皆因佢想聞吓希美着過嘅鞋有乜嘢氣味喎，真係變態。
要講到最騎呢嘅可以話係山口Moe，佢原來好鍾意拉起狗仔嘅後腳聞狗屁股，聽落都已經好惡心，我大口羅拉都奉勸大家咪有樣學樣！