老伴去世至今兩個多月，66歲的譚婆婆一直顯得精神恍惚，糖尿病病情亦時好時壞，令其長子阿強憂心不已。
「阿媽試過冇食嘢血糖低，差啲暈低，好彩我啱啱返到嚟，即刻叫白車送佢入醫院，佢又糖尿上眼，對眼幾乎睇唔到嘢，我真係唔放心佢一個人喺度，惟有暫時住喺度陪住佢。」阿強說。
記者問譚婆婆有否考慮入住安老院，只見她搖搖頭說：「呢度住咗咁多年，都習慣晒，同啲街坊有傾有講，入到安老院，食同住都驚唔慣。」
譚婆婆本與73歲丈夫莫元互相照顧，居於公屋，惟老伴於五月中疑因心臟病發猝死，令她傷心欲絕。譚婆婆育有三名子女，並不同住，其中長子阿強及次子失業。36歲的阿強表示，由於擔憂母親，故他暫時打消搵工的計劃，希望多點時間照顧母親，待她情況穩定後才再找工作，現他只靠積蓄過活。
蘋果日報慈善基金月前撥款6,000元緊急援助金助譚婆婆殮葬亡夫，日前另將善長捐款合共9,380元轉交給她。「多謝各位嘅幫助，有咗呢筆錢，我就唔使餐餐食菜，可以買啲有營養嘅嘢食，又可以用嚟幫補吓生活。」依靠綜援金過活的譚婆婆語帶欣慰地說。
捐款編號：C1383
暖流熱線
電話：29908688
傳真：23702192
電郵：
網址：