人稱小肥張嘅前新華社香港分社副社長張浚生原來已經六十八歲，新華網噚日話，佢老哥已由浙江大學黨委書記嘅要位退下來，轉做浙大發展委員會主任及繼續擔任浙江省政府經濟建設諮詢委員會主任。
小肥張今次可謂功成身退，因為係人都知佢九八年由新華社返回浙江母校，負責將四間大學（浙大、杭大、浙江農大以及浙江醫大）合併重組，結果新浙大經過六年時間改革融合，喺國內大學排名不斷攀升，僅次於清華同北大，小肥張當然功不可沒。
咁小肥張喺香港人脈關係甚好，連數學家丘成桐同武俠大師金庸都俾佢拉去浙大講書就知厲害，捐錢就唔使講。小肥張對香港感情深厚，一講到香港成日爭拗就會眼濕濕，共產黨員中少見。
傳真︰2623-9278
電郵︰