八間大專院校經常爭排名，今次輪到理工大學做阿一。喺今年研究資助局嘅「研究用途補助金」爭奪中，曾自稱「乞兒仔」嘅理大校長潘宗光，扮豬食老虎，理大喺工程學科項目中所獲批嘅項目同款項，贏晒其他院校，共有九十二項研究獲撥款資助，總共得到約三千八百二十萬撥款，比第二位嘅科大同第三位嘅城大，分別多出約六百萬同一千四百萬。咁難得可以吐氣揚眉，理大噚日發新聞稿時，用「獨佔鰲頭」讚自己。
其實研資局上月底已公布四億零三百五十萬嘅「研究用途補助金」分發情況，整體上獲得最多撥款係港大，有一億二千五百萬蚊，其次係科大，第三係中大，理大以五千萬排第四。明明係阿四，理大咁都可以扭出個阿一嘅名份。
傳真︰2623-9278
電郵︰