吳啟華及黎姿昨日在黃埔拍攝無綫新劇《妙手仁心III》打保齡球戲份，昨日所見黎姿打保齡姿勢十足。
問黎姿是否保齡球高手？她說：「我好少打，不過喺劇中我運動方面好叻，所以監製佢哋都搵人教過我，頭先我都有好多補中呀！其實我平時只會玩下瑜伽，有時間就去玩，玩咗兩年。」
吳啟華則表示並不十分熱衷打保齡，只是間中在內地拍劇時玩過，但昨日他亦功架十足。劇中啟華患上抑鬱症故需要看心理醫生，並經常用啤牌作為認知行為治療，問他可有遇到情緒低落的時候？他說：「每個人都會有，好彩自己比較樂觀，未去到要睇醫生嘅地步，我有時都會去睇有關心理學嘅書嚟調節心情。」
採訪、攝影：王崇穎