中國有句順口溜，話「不到北京，不知道自己官小」，唔知道係咪呢個原因，特區冇乜官員肯長駐北京，搞到駐京辦主任梁寶榮（圖）生蝦咁跳，同董先生投訴多次話自己九月已經夠晒鐘退，唔走唔得。
不過，世事嘅嘢總會有變化，而且唔係好多人頂得住老董嘅悶功。八方聽聞，梁主任最近就範，自願延期一年，等王永平安排人選上去接班，唔好搞到個位懸空，冇人肯上京當官咁肉酸。
寶榮肯捱義氣，班D8級嘅常秘全部可以鬆一口氣，暫時唔使俾人追問，點解唔考慮一吓呢份「優差」？
唔好以為好多人想喺天子腳下辦公，因為中國實在太大，你喺香港做到D8就好高級啫，但係喺北京就冇人要畀面你，當然如果你問寶榮，佢呢五年肯定收穫良多，個個省市都有朋友，但係付出亦肯定唔小。
至於佢位新聞官蘇鑑洪都想調返嚟，同樣冇人肯接棒，叫人申請都冇人問津，真慘情。
傳真︰2623-9278
電郵︰