荷李活男星基斯羅夫（ChrisNoth），憑喺《色慾都市》入面扮演Mr.Big而廣為人所熟識，我大口羅拉嘅唔少姊妹都俾高大威猛嘅佢迷倒。前日Mr.Big抵達以色列特拉維夫，預備接拍廣告，雖然佢睇落好似蒼老咗同肥咗，但當佢埋位執番正嗰陣，即刻唔同晒。相信當地唔少女士見到佢咁威猛，無論有冇睇過《色慾都市》，都俾佢搞到暈陀陀！