立法會選舉提名期就快展開，各路人馬紛紛蒲頭，曾任金融服務界議員嘅馮志堅噚日就請記者食飯，話自己百分之九十九會參選，希望重奪議席，但禮拜四就唔會打頭炮登記，因為佢身在上海。
馮總話自從離開中銀國際後，已冇咗銀行背景嘅包袱，講嘢可以更放。佢話自己願意為業界大聲疾呼，唔會好似有啲人嘻嘻哈哈又過四年。佢其中一個政綱係要改造證監會，提出「港人治港」，佢話證監現時唔少高層係外籍人士，抱住打工心態嚟做，點會對個市場有承擔？不過，冇幾個鬼佬撐場，香港又點做得成「亞洲國都會」？
傳真︰2623-9278
電郵︰