薛凱琪是無綫新劇《學警雄心》的演員之一，對於昨晨四名同劇演員收廠後發生交通意外一事，她十分擔心，並希望幾位傷者可盡快康復。
而談到緊密的拍攝時間表時，薛凱琪表示已被迫習慣這般緊密的開工時間，有時亦會乘搭同劇演員的順風車，原本她昨日亦打算乘坐車禍藝員的順風車，但碰巧其父往接載她，才得以避過一劫。
薛凱琪昨日在電話中說：「我都係去到外景場地先知佢哋發生咗意外，好愕然，好唔開心，我都打過電話畀佢哋，知佢哋傷勢唔嚴重，都出晒院，因為要開工都唔可以探佢哋，只可以打電話問候，希望佢哋快啲好番。」問到薛凱琪可覺公司緊密的拍攝時間令藝人缺乏休息時，她說：「我又冇車牌，好難評論。我都勉強覺得夠休息，平時我都會爭取時間休息，其實公司亦建議我哋收廠後盡量搭的士。」
而因為四位演員撞車受傷，影響拍攝進度，所以《學》劇昨日的外景提早在下午二時收工。
採訪：比華利