上周五圓規襲港，大清早天文台就話好快會掛八號風球，大家於是急急下班，眾人契媽李麗娟就更唔得閒，因為佢答應咗沙士小朋友郭名慧去佢屋企慶祝佢八歲生日，禮物已經準備好。
於是靈機一觸，小名慧家人搵人去攞禮物，等小妹妹唔好空歡喜一場。名慧亦好有禮貌，晚上回電畀契媽講聲多謝。李麗娟話自己送咗個識得講嘢嘅公仔畀小妹妹，希望佢鍾意。契媽又真係心繫小孤雛，前日就特別安排佢哋入大球場睇紐卡素練波，班細佬當然好開心。
八方成日諗，如果楊永強有李麗娟一半細心就好啦。有啲嘢楊醫生肯定永遠學唔識，也就算了。記得個多月前同佢食晏，八方已提佢立法會呢一關唔易過，佢當時答得好瀟灑，話最難過嘅沙士都過咗，冇乜好怕，八方但願佢如此拎得起、放得低。而講咗句「厚顏無恥」嘅郭先生，聽講對楊下台感到有啲過意唔去，不過冇法啦！
（圖）郭名慧（左二）今年生日遇正八號風球，李麗娟（左三）同唔到佢慶祝，不過都有送嘢𠱁佢開心。
資料圖片
傳真︰2623-9278
電郵︰