大狀湯家驊參與民主運動不遺餘力，佢老婆楊蕙蘭同老公一樣，都係咁熱心服務社會。Daisy原來係婦女慈善團體，崇德社嘅前主席，重同前政務司司長陳方安生好老友，喺上世紀八○年已認識陳太。怪唔得陳太自動請纓話要幫湯狀助選。
湯狀話，佢同陳太唔算好熟、又唔算好唔熟，都有同佢傾過電話，八方就同湯狀講，如果陳太幫你選，民主派喺新界東分分鐘贏晒七席，不如將陳太當做秘密武器，選情告急時搵佢出嚟啦！
Daisy𠵱家做緊事務律師，同老公一樣咁忙。佢早前同八方話當年，佢同湯狀係大學同學，但係讀到第二年先注意到有湯狀呢個人，因為湯狀成日唔上堂，不過佢夜晚就會好勤力，成晚喺圖書館睇書，畢業後佢兩個都去英國讀書，湯狀重成日坐火車去倫敦搵佢，今次湯狀參選，對佢嚟講完全唔係苦事，佢願意同湯狀一齊為香港付出。
（圖）湯家驊太太Daisy原來都好活躍，做過崇德社主席。
傳真︰2623-9278
電郵︰