麥當娜（Madonna）自從信咗猶太教同結埋婚後，刻意擺出一副良家婦女嘅形象，不過娜姐喺八十年代至九十年代初嘅荒淫生活，又俾人挖番出嚟講。最近英國Channel5電視台炮製咗個叫《Madonna'sMen》嘅節目，大爆娜姐鮮為人知嘅荒淫史，NBA前「籃板王」洛文（DennisRodman）重大爆娜姐曾經向佢求婚同要求同佢生仔㖭。
呢套紀錄片其實係講娜姐喺性方面嘅苛索同古怪嘅一面，其中前球星洛文話當佢九十年代初同娜姐拍拖嗰陣，娜姐無時無刻都有性需要。當娜姐想要嗰陣，就算洛文搭飛機都要現身，洛文話：「當我唔喺佢身邊，娜姐就會打十個電話畀我話『我𠵱家就要性，𠵱家！𠵱家！』有日佢重叫我娶佢同幫佢生仔，我真係唔敢相信。」不過最後娜姐食咗洛文檸檬啦。
另外，娜姐曾經喺《JustifyMyLove》個MV裏面同個女舞蹈員Amanda有女同志式嘅親熱場面，Amanda話娜姐當日同佢拍MV嗰陣同佢錫同愛撫其實係假戲真做。而曾經同娜姐拍過拖嘅已故小約翰甘迺迪，原來好鍾意搽忌廉喺娜姐身上舔，而同娜姐做過短暫夫妻嘅辛潘（SeanPenn），佢兩個合拍《上海驚奇》嗰陣，日日喺休息車上做愛，工作人員都見怪不怪。