鄭大班封咪之後，原來最想佢開番咪嘅竟然唔係商台，而係港台。此語何解？從商台拒絕澄清提前同大班解約嘅傳聞已可見一二；至於港台，唔係兔死狐悲，而係一損俱損，俾大班累死。
原來呢個世界真係有「大班效應」。大班晨早喺商台開咪，早晨時段全港火辣，日日啲高官都要搵專人聽住有冇俾佢媽叉，結果商台收聽率高，連帶港台都多咗人聽，𠵱家冇咗大班喺度製造話題，聽兩個台晨早烽煙節目嘅人少咗一大截。
事情發展到如今，連大班都唔知發生乜嘢事，大老細何先生又巧合地不在港，而大班原訂計劃喺九月二十八日開番咪，○八年二月二十九日合約期滿，一切都重「未定」，咁點解又突然傳出有人想提早郁大班呢？
大班明明係商台嘅廣告米飯台柱，咁怪，呢個世界竟然有人做商業嘅電台，同錢作對？
（圖）鄭大班九月唔知開唔開到咪。
傳真︰2623-9278
電郵︰