許志安、官恩娜和鄭希怡（Yumiko）等，前晚在海洋公園出席活動時，被安排到泡泡池中嬉戲一番，被取笑是「鴛鴦戲泡」。其間安仔最忸怩，要Yumiko硬將他拉進泡泡池跳舞。
許志安、鄭希怡和官恩娜等前晚往香港仔出席「海洋公園夏水禮」揭幕活動，他們其後進入泡泡池中嬉戲一番。
其中以安仔最忸怩，需要Yumiko夾硬拉他入內才肯就範，他們除了在泡泡池中跳舞外，更一時興起，互相以肥皂泡糟質對方。
Yumiko硬拉安仔落泡泡池，事後她說：「安仔唔肯落，佢叫我行先，呢啲梗係男仔落去先！」
安仔則解釋說：「我怕地下好跣，我見到佢哋玩到咁開心，咁吸引咪落去玩吓。」記者取笑安仔跟Yumiko和官恩娜「鴛鴦戲泡」，安仔即說：「咁都得？玩啫，呢個遊戲對小朋友嚟講應該好好玩！」
日前有電郵爆料指安仔向舊愛鄭秀文（Sammi）借了二百萬元，因金錢轇轕導致分手，但Sammi力撐並不真實，安仔前晚說：「當時傳聞傳出，我都透過公司回應話唔使講，過咗就得。」亦有傳安仔為分手一事哭泣，他說：「一笑置之，無聊人寄一啲無聊嘢，我要回應咪好唔得閒。」安仔會否往欣賞Sammi的演唱會？他說：「得㗎啦！」
官恩娜雖然穿了新鞋，但仍玩到雙腳滿是肥皂泡，她說：「我覺得好似剃腳毛咁，平時好少咁玩，不過我事前都唔知咁玩，我都冇準備。」官恩娜離開泡泡池後，即用水喉沖洗雙腳。
採訪：王連連
攝影：甄朝健
