近日醫護界除咗討論衞生福利及食物局局長楊永強同醫院管理局主席梁智鴻應唔應該辭職之外，話題重升級到討論乜嘢叫做「問責制」。
個個都知問責制就係高官要為自己所做嘅錯事負責，不過，最早發起醫護聯署挺楊挺梁嘅港大腫瘤科教授岑信棠就唔係咁睇。佢噚日喺電台節目度話，其實所謂嘅問責制已經變成咗做「仇恨制」，醫護界係唔可以容許同鼓吹仇恨滲入專業，所以佢唔同意任何人因為個人罪過而辭職。
老實講，楊永強同梁智鴻冇踩親市民「條尾」，冇人話同佢哋有仇。不過事實係佢喺抗疫表現做得唔好，市民大眾都係針對呢樣嘢先要求佢哋落台。如果市民嘅仇恨真係有咁大力量，不如大家一齊仇恨下老董啦，等佢快啲下台啦！
傳真︰2623-9278
電郵︰