女人天性愛靚，加上有重金利誘之下，噚日一間纖體公司用二十萬獎金去招募代言人，當堂搞到萬人空巷，水洩不通。
班想收身嘅女士未變回苗條，就首先已經幫咗主辦單位免費演出咗一次翻版嘅7.1大遊行。噚日太陽鬼死咁猛，百幾個準備角逐瘦身代言人合約嘅女士們，個個都曬到花容失色，喺呢個時候，大會就向排緊隊嘅應徵者派遮遮擋太陽。百幾人一齊打開把遮，喺遮上面嘅「普選」兩個字，就活靈活現地跳出來，霎時間銅鑼灣崇光百貨公司門外面湧現咗數以百計個普選二字，搞到八方以為7.1遊行重現銅鑼灣。
呢個宣傳計劃一箭雙鵰，咁有諗頭，原來係由素有「橋」王之稱嘅才子蕭若元度出嚟，蕭公子係呢間纖體公司嘅股東之一，能夠將纖體同爭取普選兩者拉上關係，才子真係好嘢！
（圖）呢一片「普選」遮海又真係幾有氣勢。
傳真︰2623-9278
電郵︰