隨着港人丈夫曾偉強入土為安，早前持雙程證來港奔喪的阿容現已返回內地，由於無法再負擔深圳昂貴租金，兩母女已遷往四川老鄉居住。
「深圳物價比較貴，以前老公喺度就話有佢照顧，𠵱家我根本負擔唔到，鄉下呢度有我父母同姐姐，雖然佢哋都係好窮，靠耕田生活，但我兩母女至少有兩餐飯食，唔使咁愁。」新寡阿容透過長途電話向記者述說近況。
31歲的阿容，數年前在鄉里介紹下認識香港居民曾偉強，其後展開一段中港婚姻，兩人定居於深圳，育有一名現年3歲半女兒。56歲的曾先生患有糖尿病，原本任職清潔工人，由於健康每下愈況，年前被迫提早退休，三口靠微薄積蓄過活。今年5月中，曾先生突然因糖尿病引發急性腎衰竭猝死，令妻女頓失所依。
阿容早前無力負擔一筆殮葬亡夫的開支，蘋果日報慈善基金曾於「殮葬專戶」撥款20,000元濟助，近日另收到讀者捐款3,230元，本報將會電滙該筆善款予阿容。「我好感激香港嘅善長仁翁，呢筆錢我會用嚟畀囡囡入學讀書。」阿容連聲道謝說。
捐款編號：C1387
暖流熱線
電話：29908688
傳真：23702192
電郵：
網址：