十八位準港姐經多個星期努力收身後，昨日穿起性感花裙在赤柱行fashionshow時，明顯減去不少贅肉，身形盡顯玲瓏浮凸，5號楊施詩更因上圍豐滿，成功搶鏡。任表演嘉賓的梁詠琪也表示各佳麗都較首次見面時弗了，狀態也好得多。
香港小姐十八位候選佳麗，昨日到赤柱美利樓出席「2004年度香港小姐競選之陽光活力FashionShow」，穿上性感花裙行catwalk。
十八位候選港姐參選初期，燕瘦環肥，經多個星期積極收身，昨日多位候選佳麗穿起大會設計的性感花裙後，盡顯收身後的美好身段，尤其是5號楊施詩，她的肥腰、粗臂、厚背和象腿不再，但上圍依然豐滿，楊施詩說：「身材好係好嘅，係上天賜畀我嘅禮物，之前我覺得自己肥，所以成日着鬆身衫，𠵱家收身成功，條腰同個背瘦咗，顯得上圍更突出。𠵱家重係有少少唔慣俾人集中個上圍，不過已經好過之前好多。」
5號楊施詩玲瓏浮凸的身材，成功搶鏡，1號朱慧敏表示不怕被人搶風頭，更不會自卑，她說：「每個人身形唔同，各花入各眼，相信有人會注視唔同部位，又點會自卑呀！我覺得豐唔豐滿，唔應該影響人嘅自信，我覺得香港人好多會注重上圍，簡單嚟講睇女仔係睇整體，內在美都係一種美。」
此外，6號徐子珊在表演序幕歌舞時，所穿着的黃色背心看似凸點，她說：「我哋有打底，大會都睇過，已經做足防走光措施。」
至於表演嘉賓梁詠琪則覺得十八位候選佳麗已成功收身，她說：「比起第一次見佢哋，好多都瘦咗又弗咗，整體狀態都好好多。」
採訪：楊潔雯 攝影：陳志嵐
