汪明荃前日到東莞為嘉輝會酒店開幕及樓盤剪綵，她對於工商及科技局局長曾俊華以影視處已安排約見電視專業人員協會代表，以回應阿姐投訴曾俊華拒見一事，阿姐感到十分不滿，她說：「呢個係一早安排好嘅，唔關佢事，我哋要見曾俊華係想傾CEPA嘅嘢，係講做生意㗎，影視處係管啲人講粗口，投訴同節目內容嘅嘢。」
阿姐謂得悉曾俊華曾與電影業人士傾談，但卻不給予機會電視人，令她感覺不公，她說：「電影唔代表電視，電視影響力喺社會上更加大，入屋好多，入戲院都要買飛啦，電視返屋企睇就得。如果佢連電視同電影都分唔到，我會好失望，佢點管我哋呀？內地可以分得好清楚，如果佢重唔明，我哋可以搵專人攞啲資料同佢講解，我最怕錯失七月CEPA個良機，𠵱家重唔快啲見我哋，就會將啲quota畀咗其他行業。」
採訪、攝影：卓美娟