來自世界各地嘅純種犬，噚日雲集九龍灣國際展貿中心，甚麼狩獵犬、畜牧犬、玩具犬，濟濟一堂，原來港九狗會舉辦嘅狗隻服從展覽兼比賽，有幾十隻狗參加，鬥靚鬥乖鬥純品。八方對狗隻冇乜研究，但憑噚日嘅表面觀察，發覺啲狗對女性份外貼服，要佢行就行，企就企。好似隻阿富汗犬Nevada咁，對住寵物美容師郭小姐，順從到好似變咗隻羊咁。不過，表面上就係Nevada服從郭小姐，實質上就係郭小姐服侍Nevada，噚日出show之前，郭小姐就幫隻狗沖涼美容，足足五粒鐘，真係女人出嫁都冇咁巴閉。
傳真︰2623-9278
電郵︰