見過成千朵荷花喺遮打花園盛放未？中小企領袖佘繼標失驚無神搞咗個「天佑香港」靜思會，號召咗過千市民，一人揸住一支荷花，花尖向天，齊齊祈求上蒼保佑香港。佘繼標話近年香港社會好多怨氣、好多爭拗，於是乎佢就發起中小企嘅會員同家屬，全體仝人靜思一分鐘，佢話呢啲叫念力，咁多人一齊諗一樣嘢，一定會靈驗。至於荷花就寓意寧靜，希望社會多多祥和，冇晒戾氣。噚日天公造美，喺靜思會開始之前兩個鐘收晒雨，唔通真係天佑香港？
（圖）過千人一人揸住一支荷花，一齊祈求上蒼保佑香港。
曾顯華攝
傳真︰2623-9278
電郵︰