特首夫人董趙洪娉舊年沙士期間，憑一句「千祈、千祈、千祈，洗手、洗手、洗手」成功出位，金句真係差啲要申請埋專利咁滯！點知一年過去，佢噚日又「重施故技」，喺主持元朗青年商會一個傑出學生選舉典禮時，勉勵學生話：「千祈、千祈、千祈，唔好唔記得要好似海綿咁，吸收人哋好嘅地方，反省自己不足嘅地方……你哋就係我哋嘅未來。」講完之後，自己重笑住咁話：「我又講嘞。」
董太噚日成場笑晒口，心情似乎非常之靚，佢答記者問題時重話：「我時時都覺得（社會氣氛）好緩和。」時時都覺得？八方好似記得，董太重有另一句金句：「complain,complain,complain」，係鬧啲人好投訴佢老公做得唔好喎！董太今日真係完全唔同晒嘞。
（圖）董太：好靚、好靚、好靚……朵花！
設計對白
傳真︰2623-9278
電郵︰