現年二十一歲的徐子淇近日被拍得與三十三歲的恒基地產主席李兆基幼子李家誠拍拖。而子淇今明兩天會在銅鑼灣怡東酒店一髮型屋內賣二手衫，場地股東之一正是李家誠，首次承認與李家誠蜜運的子淇表示希望感情可順其自然地發展。
徐子淇最近被雜誌拍得與恒基地產主席李兆基的幼子李家誠拍拖，今日起她會在銅鑼灣怡東酒店一連兩天賣二手衫，昨日雖然高掛八號風球，但子淇仍親自到會場整理衣物和貨架，十分落力，而該場地正屬李家誠所有，足證二人的感情日趨明朗化。子淇接受訪問時更首次承認與李家誠蜜運中，但卻希望傳媒勿再追訪，讓二人有發展的私人空間。
子淇日前被拍下與李家誠到赤柱燭光晚餐的照片，席間二人親暱地互餵甜品，飯後又到海邊散步，情到濃時更當街擁抱起來，子淇將頭依偎在男友李家誠的肩膊上，又不時掃男友背脊及為他按摩，動作親暱，情侶關係不言而喻。
問到子淇與李家誠的關係時，她說：「有啲嘢啱啱開始，報道出咗街，我哋都仍然有聯絡，最希望係記者朋友可以畀啲私人空間我，唔好成日跟住我，呢啲嘢要順其自然。」
據知子淇自戀情曝光後，因承受外間不少壓力，連日來均躲在家中哭個不停，子淇昨日直認道：「我估唔到俾狗仔隊日夜追訪，連屋企人都受騷擾，咁樣對佢哋好唔公平，亦影響到佢哋生活同作息時間，我覺得好唔好意思，自己亦受到好大壓力。」
另一方面，剛在英國修讀完大學經濟學課程的子淇，近日亦忙於籌備二手衫生意，她早前曾公開表示租用了怡東酒店的functionroom作場地，但記者昨日走訪子淇時，卻發現其場地竟設在酒店內的髮型屋TetePRIVATEi內，據資料顯示，李家誠與前女友張韻嫦正是該髮型屋的股東。
子淇提到轉場的原因時說：「我一早係plan喺functionroom賣衫，但因為訂唔到場，加上我十四歲開始就係呢間髮型屋贊助我整頭髮，呢次我一問佢哋可唔可以租場，佢哋就爽快答應，於是聽日同後日佢哋都會唔做生意，全個場租畀我賣二手衫。」場租有否特別優惠？子淇說：「總之係合理價錢啦！」再問到子淇可知李家誠的舊愛張韻嫦是髮型屋股東時，她說：「我以前睇雜誌知道，但呢啲唔關我事。」
不知子淇今次賣二手衫，可有向李家誠請教做生意的意見？子淇說：「冇喎，全程都只係同媽咪、爹哋同partner商量，我希望從中將書本上學到嘅加以實踐同發揮。」
子淇表示今次賣二手衫，共收集得約二千件名牌靚衫及約一百個名牌手袋，而貨源包括張玉珊、張燊悅、周麗淇、周汶錡和Cookies等人。
採訪：比華利
攝影：林德雄
