李嘉欣前晚一身大露背裝，以超性感姿態出席有線活動，風頭盡蓋激凸的Rosemary。身為「燃亮生命大使」的嘉欣，更公開呼籲大眾捐贈器官。
李嘉欣前晚以「燃亮生命大使」身份出席有線娛樂台於灣仔會展舉行的《拯救生命的故事》試映會，雖然有份出席的嘉賓Rosemary以激凸吊帶裙示人，但風頭還是被穿上大露背裝的嘉欣掩蓋。
嘉欣的白色大露背裝將她玉背表露無遺，成為傳媒整晚焦點所在，不停追着在嘉欣背後影相，嘉欣笑說：「成日要擰去後面，好後悔着呢件衫。」
問嘉欣衣着何以如此大膽，會否擔心走光，嘉欣語氣肯定地說：「冇可能，我試過好多次，有晒預防，我着住件衫喺屋企跑步，好大動作，絕對唔會走光。」問她是否真空上陣，嘉欣則不置可否。
今次嘉欣擔任「燃亮生命大使」，她表示看過有關節目後認為內容十分感人，便答應幫手呼籲，嘉欣說：「戲中係講一位小朋友接受腎臟移植，我自己就冇簽捐贈器官卡，因為要尊重屋企人嘅意見，或者遲啲我會叫埋媽咪一齊捐。其實以前我身體好孱，讀書時營養不良，成日面青口唇白同成日暈。」
早前張曼玉被傳媒拍下在葡萄牙鴛鴦戲水露點相，令嘉欣不得不提高警覺，她說：「我都要小心啲，原本呢個係好正常嘅個人活動，如果我俾人影咗就會好唔舒服，所以我唔會除晒（指泳衣）。」稍後嘉欣將參與舞台劇演出，屆時有否大膽演出則仍未清楚。
採訪：魯萍 攝影：林德雄
