自由黨喺田北俊嘅領導之下，今年九月將大展拳腳，同副主席周梁淑怡勇闖直選，佢話希望坐八望十一，自由黨噚晚重特別喺田少家宴請老董，打八號風球都不改。
田少呢鋪全情投入，誓要成為一個與人民站在一起嘅政黨。一諗起可以真正去普選顯實力，八方見田少喜上眉梢，鬼咁風騷，正如佢喺本小冊子《我們為你做了什麼？》（圖二）中重申佢喺23條期間講嘅一句話──「我們每時每刻，都要做那時那刻最重要、最應該做的事情。」而當下，就係要不計成敗，參加直選。
準備喺新界西參加直選嘅周梁，同樣係覺得機不可失。佢支持度有成五十四點四分，行會中最高，又真係唔使驚。自由黨嘅創黨主席李鵬飛一直以身作則去直選，輸咗仍難忘洗樓一刻，佢講過，假如田少今次直選勝出，咁以後就不再有田少之名，八方諗佢分分鐘變成阿田，咁又認真親切咯。
傳真︰2623-9278
電郵︰