立法會主席范太早前獲女性雜誌《Jessica》選為十大成功女性之一，佢聽日就會正式宣布參選港島區立法會直選。范太嘅忠實擁躉范尚德同佢哋嘅一對仔女都會齊齊亮相以示支持，不過，呢次可能係范太一家人喺選舉活動中最人齊嘅一次，因為囡囡係醫生，成日要當值，兒子則經常要出外地公幹，兩個都忙到幫唔到手。
除咗范太，有意出選批發零售界嘅馮兩努、想挑戰現任建築測量界代表劉炳章嘅前港大教授劉秀成聽日都會宣布參選。
新界東民主派組成嘅鑽石名單：鄭家富、湯家驊、劉慧卿等，都係選擇咗聽日公布隊名同隊徽。
（圖）范太（右）日前獲選為十大成功女性之一，同另一位獲選者施南生（左）合照。
顏英儀攝
傳真︰2623-9278
電郵︰