今日開倉：
宇宙飛龍再版超合金魂六折開倉最矚目

自從超合金魂推出後，玩具已變成大人同小朋友溝通的橋樑之一。及後海賊王的索柏、高達中的冬瓜不斷有可愛玩具推出，更吸引一大批女孩子加入玩具迷行列。所以今次的玩具開倉除了有男孩子的大熱Item，亦有女孩子的摯愛，女孩子既可買玩具畀自己，又可送給男朋友。
記者：張穎麟
攝影：蔡鴻雯
Model：Crystal

男士專區
今次的開倉絕不是陳年死貨，有齊超合金魂、聖鬥士星矢、GundamFix等熱賣玩具系列，單係剛剛新出的神鬥士，一出即減已夠號召力。

全場最正：宇宙飛龍份量十足
宇宙飛龍的再版超合金魂，可謂是全場最矚目的貨品，它的合金份量十足，無論係十幾年前睇過卡通片的大朋友，抑或係𠵱家打《機戰》的小朋友都會鍾意。00年造功極差的泰版一樣斷貨，玩具迷苦候4年，今年完美再版，點可以唔把握最後的補購機會。
原價：$799
開倉價：$480

必炒貨：神鬥士唔炒反減價
係人都知《聖鬥士星矢》的玩具逢出必炒，不論係聖衣大系，又或是聖衣神話都係必炒之作。所以上星期神鬥士復刻，Fans們都預定捱貴貨。估唔到今次開倉仍有搖光星美密、天權星阿倫比里希同天璇星赫健三大神鬥士，雖然減價幅度唔算好高，不過勝在新鮮熱辣即減價。
原價：$139
開倉價：各$99

最靚高達
在高達過億件玩具中，論代表性以前你一定會答MG、PG等模型系列。不過今時今日就一定會被Katoki設計的GundamFix系列所取代，好似今次的Fix20GundamG05，除了在造工、滲線方面表現出色，更有一體二用玩法，讓你除了高達5號機外，更可變身成6號機。
原價：$280
開倉價：$180

自由高達小朋友必搶
《機動戰士特種計劃》播咗一排，已令小朋友陷入瘋狂狀態。呢SetGundamheadIII，以主角大和基拉第二愛機自由高達領軍，加埋Z高達、飛翼高達Zero、卡碧尼、葛士尼同大魔。最抵係一個價錢有齊6款原色版，再加送6款別注色版，總共12隻。
原價：$216
開倉價：$138

潮人愛上阿基拉
7月初推出時，已引起極大回響的SoulofPopynica第三彈，事關他揀上《阿基拉》中金田的愛車，而且更由日本著名的鬼木祐二負責原型設計。金屬部件特多份量十足，而且更可隨意拆除，難怪唔少潮人爭住要。
原價：$390
開倉價：$280

衝上雲霄靚飛機
自從《衝上雲霄》同《GoodLuck》之後，明顯多咗人買飛機模型。所以今次開倉亦加入了多款威龍的1:400飛機模型，由大架的波音747至中型的空中巴士A300，還有小型飛機都應有盡有。更有齊大韓、美國等多間航空公司任擇。
原價：$100-$200
開倉價：$89（大型飛機）、$69（中型飛機）、$55（小型飛機）

女仔都啱玩
咪以為玩具只係男孩子的天下，其實亦有唔少啱女仔玩。好似今次開倉，既有可愛的索柏、冬瓜，又有陪伴大家成長的藍精靈，女孩子亦可趁機掃平貨。

減得勁：索柏瘋狂減
《海賊王》入面可能你會喜歡路非或者烏索普，但論討女孩子歡心就一定非索柏莫屬。今次索柏以劇場版造型，化身成景品毛公仔，近乎1:1的原大比例，極有質感。最離譜係原價$150激減至$40，瘋狂像吃了「惡魔果實」一樣。
原價：$150
開倉價：$40

超可愛：高達天天攬
女孩子亦一樣喜歡Q版高達同冬瓜，難得呢款上海玩具展的限定版咕𠱸，正面有高達、老虎、渣古，背面亦有冬瓜Q樣。日本版只以麻布製造，而這個限定版卻以絲絨做成，更加矜貴。
原價：$168
開倉價：各$120

藍精靈十分勁
04年都可說是藍精靈的回歸年，之前的搪膠公仔，引起搶購潮。Astro、Black同Grouchy三大Smurf，化身成積木王Kubrick，當然亦冇失威。除了Astro的頭盔可脫下外，每個Kubrick更高達75mm，比普通Kubrick更具份量。
原價：$180
開倉價：$128（全套）

抵玩翠兒陶瓷
較少在玩具開倉見到的卡通陶瓷亦可以在這裏找到，雖然擺設味道較濃，但美國卡通人物陶瓷一向有不少Fans支持。單是看看翠兒，坐在車上的惡樣就夠搞笑，再加上陶瓷一直較貴，想試玩的朋友，不妨買番個。
原價：$288
開倉價：$180

買Q-cat唔使去台灣
5、6月去過台灣的朋友，就會發現一套可愛的Qcat積木，在7-11以限定版形式推出。計番台幣1套6款要成$220港紙。估唔到喺香港以開倉形式率先發售竟以$90低價成交，除有男、女店員造型外，更有萬兩貓隱藏版，既珍貴又可愛。
原價：$220
開倉價：$90（全套）

「玩具倉」開倉詳情
日期：即日起至8月9日
地點：藍田匯景商場L556A舖（1:00pm-9:00pm）
葵芳葵涌廣場2/FC122B舖（12:00nn-10:00pm）
查詢電話：24098887
備註：只收現金