紫昕姐姐教整樂器響響棒譜動聽音符

炎夏7月，「小蘋果」終於放暑假！悠長假期，不如體驗一下自己的音樂細胞！只可惜身邊嘅音樂器材唔夠充足，但強烈的表演癮又按捺不住，好采請到紫昕姐姐教自製「響響棒」樂器，「小蘋果」重好認真咁綵排預演咗幾次，大敲大叫實行上演一幕「演奏初體驗」！

記者：餐蛋麵　攝影：菠蘿頭
鳴謝：Fanny'sWorkshop（27429323）

材料齊全一二三去吧
紫昕姐姐大家喺電視就見得多，一大班小朋友今日卒之有幸見到佢「真身」，重親自教大家DIY得意樂器：用不同長度的飲管砌成「響響棒」，再用木筷子敲擊不同的飲管，就會發出各種和弦音響，譜出「弦外之音」。

後期製作咪走音
不消45分鐘，唔少小朋友已經完成「響響棒」，到處將自己的作品炫耀一番。但其實「響響棒」重未正式完工㗎，還有「後期製作」將外表平凡的樂器修飾一下、Tune吓音，就可以拎出來表演了。

花枝招展大合奏
「響響棒」表演重有幾分鐘就開始，各位小朋友喺紫昕姐姐的教導和帶領下，學習敲打《小白兔》兒歌。記住聽住拍子先至敲打飲管，如果唔係就好難聽啦！此外，為令音樂表演更加出位，我們戴上不同造型面具粉飾一番，花枝招展、聲色犬馬……「靠嚇大晒」！

另類自製樂器大晒冷
實在太過好玩，小朋友一再「安哥」。好！紫昕姐姐索性出動私伙，將珍藏的自製小樂器全部晒冷，派畀小朋友大合奏。